20-ci əsrin müharibələrinə nəzər saldıqda bu gün daha çox İkinci Dünya Müharibəsinin ön plana çıxdığı və geniş yer tutduğu görünür. Lakin I Dünya Müharibəsinin də maraqlı tərəfləri var və 1915-ci ildə Osovets qəsrindəki rus-alman münaqişəsi də onlardan biridir.
 

Sfera.az “Ölülərin hücumu" adlandırılan, Birinci Dünya Müharibəsinin ən sirli hekayələrindən biri haqqında yazı təqdim edir.
 

Hal-hazırda Polşa sərhədləri daxilində olan Osowiec ərazisi Rusiyanın şimal-şərqdə Avropaya girişinin mühüm nöqtələrindən biri idi.
 

19-cu əsrdə Rusiyanın nəzarəti altında olan bölgədə çayın kənarında hökmran vəziyyətdə qalalar tikilirdi. Birinci Dünya Müharibəsi başlayanda bu yer alman və rus qoşunları arasında münaqişə nöqtələrindən birinə çevrildi.

Alman orduları həqiqətən də texnika baxımından üstün olmuşdu və rusları qalanın müdafiəsinə məhkum edilmiş vəziyyətə salmışdı.
 

1914-cü ilin sonunda başlayan hücumlar 1915-ci ilin martına qədər heç bir irəliləyiş göstərmədi. Almanlar top və ağır pulemyotlarla qalanı mühasirəyə almışdılar. Onlar aylar ərzində 1 milyona yaxın mərmi yandırmışdılar. Lakin ruslar qalanı müdafiə edə bildilər və fürsət tapdıqca gözlənilməz hücumlarla alman qüvvələrinin bəzi mövqelərini ələ keçirdilər.

Həmin ərəfədə Rusiya qüvvələrinin qaz maskalarının itdiyi xəbərləri yayılmağa başladı. Müharibə əxlaqına zidd olsa da, almanlar zəhərli qazla bombardman etmək qərarına gəldilər.

6 avqust 1915-ci ildə küləyin düzgün istiqamətdə olduğuna əmin olan almanlar qaz bombardmanlarına başladılar. Onlar bu şəkildə zəhərlənəcək rusların protivazlarla əraziyə hücum edən alman orduları tərəfindən asanlıqla ovlanacağını planlaşdırırdılar. Amma evdəki hesab bazara uyğun gəlmirdi.
Zəhərli qaz öz təsirini göstərdikdən sonra 7000-ə yaxın alman qüvvəsi hücuma keçdi. Cəbhələrə yaxınlaşdıqda onları şokedici mənzərə ilə qarşılaşdılar.

Bir ovuc qanlı ağızları cır-cındır, üzləri göyərmiş rus əsgəri qəfil hücuma keçdi. Bunlar birtəhər zəhərli qazdan daha az təsirlənməyi bacaran sağ qalanlar idi. Hamının öləcəyini gözləyən almanlar bu sarsıntı qarşısında dağılmağa başladılar. Birdən qorxan əsgərlər qaçarkən yerə yıxılaraq bir-birlərini əzirlər. Sayca çox olan alman qüvvələri dağılırdı.

Səpələnmiş şəkildə geri çəkilən almanlar və qalan son rus artilleriyası atəş açmağa başladı.

Zəhərli qaz rus əsgərlərinin ciyərlərini parçalamışdı. Sözün əsl mənasında, ağciyərləri qana qarışmışdı və ağızlarından tikə-tikə çıxırdı. Artıq ölümə bu qədər yaxınlaşan bu əsgərlərin sayca özlərindən çox olmasına baxmayaraq, üzərlərinə gələn düşmən qüvvələrinə qorxmadan hücum etmələri tamamilə başa düşüləndir.

Nəticədə bir ovuc rus əsgəri bu mühüm cəbhəni qoruya bildi.
 

Almanların hücumu dəf edildikdən bir müddət sonra qala tamamilə boşaldıldı. Avropa mətbuatı isə bu maraqlı hadisəni “Ölülərin hücumu” adlandırdı.

Xanım

Sfera.az