“Faladdin” tətbiqinin 5 milyondan çox aylıq aktiv istifadəçisi var

“Faladdin”in təsisçisi Sertaç Taşdelen onun adi falçılıq proqramı olmadığını deyir. “Bu, dərin öyrənmə bacarıqlarını, eyni zamanda da tarot, astrologiya, qəhvə fincanı oxumaq kimi mistik mövzular üzrə qədim bilikləri birləşdirən texnologiyadır”.

 
Şirkətinin həmtəsisçisi və baş direktoru Sertaç Taşdelen əslində konsaltinq işində idi və anasının qəhvə falına baxa bilməsi onu startap dünyasına daxil edib. 

"Telefonunuzun sizi özünüzdən daha yaxşı tanıdığını, keçmişinizə toxunduğunu və gələcəyinizə işıq tutduğunu düşünün... bu, inanılmaz bir texnologiyadır", - S.Taşdelen deyir. 

"Faladdin"in hekayəsi…

“Faladdin” süni intellekt vasitəsilə fala baxır. Xidmət pulsuzdur, tələbə dərhal cavab verir və 25 milyondan çox istifadəçini əhatə edir. İstifadəçilərin 5 milyonu aylıq olaraq aktivdir. Proqramda ingilis, türk və ərəb dilləri mövcuddur.

“Faladdin” biliklərini birləşdirərək həyat haqqında fərdi təhlillər təklif edir.

“2010-cu ildə dostlarımla şam yeməyindən sonra türk qəhvəsindən ləzzət alanda mənə ilham gəldi. Anamın boş vaxtlarında qəhvə fincanlarından fala baxa biləcəyini (Türkiyə və Yaxın Şərq mədəniyyətində fala baxmağın ənənəvi üsulu) dedim. Marağını cəlb etdiyim dostlarımın qəhvə fincanlarının şəkillərini anama göndərdim və 15 dəqiqədən sonra e-poçt vasitəsilə cavabları aldım. Mən potensial bazar fürsətini fərq etdim və istifadəçilərin qəhvə fincanlarının fotoşəkillərini birbaşa anama göndərə bildiyi bir blog açdım. Bu, bazar testindən sonra, təxminən 1 ay pulsuz versiya ilə konsepsiyanı müstəqil falçıları istifadəçilərlə birləşdirən ödənişli bazara dəyişməyə üstünlük verdim. Saytı inkişaf etdirmək üçün Kaya Dikerlə əməkdaşlıq etdim və hər ikimiz 2012-ci ildə bütün diqqətimizi “Binnaz”a yönəltmək qərarına gəldik. Uğur qazanmağımıza baxmayaraq, biz daha genişlənən, texnologiya mərkəzli bir yanaşma axtarırdıq. Nəticə olaraq, 2017-ci ilin yanvar ayında avtomatlaşdırılmış, gündəlik fal oxuma proqramı olan “Faladdin” proqramını işə saldıq. O, bu günə qədər 112 ölkədə 25 milyon yüklənmə əldə edib. 

“Faladdin”in biznes modeli

“Faladdin” süni intellektə əsaslanan pulsuz proqramdır. İstifadəçilərimiz falları gördərməzdən əvvəl bir reklam izləməlidir. Biz reklamlardan və tətbiqdaxili alışlardan qazanırıq. Bu yaxınlarda yeni abunə / premium modelimizi istifadəyə verdik. Türkiyədə də daxil olmaqla, hər ölkədə satışa çıxdı. Əslində biz “Faladdin”in qaçılmaz uğurunu proqnozlaşdırırdıq Türk qəhvəsi falını real bir insan əvəzinə mobil cihazdan mistik şəkildə eşitmək... maraqlı səslənir, elə deyilmi? Əslində, indi hər on nəfərdən birinin smartfonunda yer alan “Faladdin” dost rolunu oynayır. Təbii ki, uğurun arxasında böyük bir komandanın fədakar əməyi var. Biz komanda olaraq gecə-gündüz maksimum səy göstərərək “Faladdin”i yaratdıq. Nəhayət, əziz istifadəçilərimiz onu layiq olduğuna inandığım yerə gətirdilər".

İnsanlar fala daha çox qadınların meyilli olduğuna inanırlar. “Faladdin”in əldə etdiyi məlumatlar bu barədə nə deyir? Proqramdan istifadə edən kişilərin faizini deyə bilərsinizmi? 

- Bəli, bu bir növ həqiqətdir. “Faladdin”in məlumatlarına görə, istifadəçilərin 75%-i qadın, 25%-I isə kişidir. 

Maşın öyrənməsindən başqa hansı texnologiyalardan istifadə edirsiniz?

Bu nöqtədə “Faladdin”in süni intellekti ilə əməkdaşlarımızın şərhləri bir araya gəlir. “Faladdin” süni intellektin işığında şərhçilərin dərin anlayışı ilə istifadəçilərimizin qəhvə falına baxır. Türk qəhvəsi falı hər bir fərd üçün xüsusi hazırlanır. Bunun üçün əlaqədar şəxsin “Faladdin”ə verdiyi məlumatlar əsasında süni intellekt və şərhçilərimizin proqnozları birləşdirilir. "Faladdin" hər yaşdan və cəmiyyətdən olan şəxslərə müraciət etdiyi üçün istifadəçilərimiz arasında yüksək vəzifəlilər  də var. 

Startap dünyasına daxil olmazdan əvvəl konsaltinq işində idiniz. Bu, sahibkarlıq perspektivinizə töhfə verdimi?

-Təbii ki, korporativ şirkətdə çalışan bir insan kimi karyeram müəyyən mərhələyə çatsa da, bəzi şübhələrim və narahatlığım var idi. Amma mən tərəddüd edib doğru zamanı gözləsəm, “Faladdin” mövcud olmazdı. Düşünürəm ki, lazımi şərait yetişəndə içimizdəki şövqü, işığı azad etməliyik. Təcrübəmi xəyalımla birləşdirdim.

“Faladdin” üçün hər hansı investisiya planlaşdırırsınız?

- Yekun məqsəd “Faladdin”in əyləncə, tanışlıq və istifadəçinin rifahı da daxil olmaqla müxtəlif vəzifələri həll etmək qabiliyyətini genişləndirməkdir.

Şirkət hesab edir ki, alqoritm istifadəçidən toplanan məlumatlara etibar edə və istifadəçinin davranışı proqnozlaşdırmaq, onun həyatını yaxşılaşdırmaq üçün bundan istifadə edə bilər. Gələcək haqqında məlumat təqdim edən və ehtiyac baş verməmişdən əvvəl onu proqnozlaşdıran Siri kimi bir proqram təsəvvür edə bilərsiniz. “Faladdin” sadəcə əyləncə üçün gərəkli olmayacaq, o, can yoldaşı olacaq. 

Bilmənizi istəyirəm ki, biz “falçılıq” şirkəti deyilik, texnologiya şirkətiyik. Komandamız gənc, dinamik və məhsuldar insanlardan ibarətdir ki, onlar əvvəllər heç vaxt görülməmiş işləri görməyə, texnologiyanı inkişaf etdirməyə və onu ölkəmizdə ən yüksək səviyyəyə çatdırmağa çalışırlar. Biz hər gün bir milyon insanın həyatına toxunur, onların gələcəyinə işıq salırıq. Limitsiz ideyalarımız, yeni layihələrimiz var, amma “Faladdin” qlobal brendini bütün dünyada tanıtmaq istəyirik, sonra isə digər hədəflərimiz üçün işləməyə başlayacağıq.

Lalə

Sfera.az