Hollivud tarixinin ən uğurlu uşaq aktyorlarından biri ikinci dəfə ata olub.

Sfera.az bildirir ki, 42 yaşlı amerikalı aktyor Makoley Kalkin və onun nişanlısı, 34 yaşlı aktrisa və model Brenda Sonq üç ay əvvəl Milad günündə ikinci övladlarını qarşılayıblar.


Rəsmi olaraq, ulduz cütlük xəbəri təsdiqləməyib, lakin jurnalistlərin bildirdiyinə görə, onların Carson adlı bir oğlan uşağı olub.
 

Makoley və Brendanın 2021-ci ilin aprelində dünyaya gələn Dakota adlı oğlu da var. Cütlük 5 ildir birlikdə olub və keçən il nişanlanıb, lakin şəxsi həyatlarının təfərrüatlarını nadir hallarda reklam edirlər.


Brenda iki il əvvəl ilk övladını dünyaya gətirəndə də xəbəri gizli saxlamağa çalışıblar.
 

Xatırladaq ki, “Evdə tək”in ulduzu və Brenda 2017-ci ildə Taylandda “Dəyişən Torpaq” filminin çəkiliş meydançasında tanış olublar. Münasibətlərini uzun müddət gizlədən cütlük, hətta ortaq fotolarını belə paylaşmayıb. 2021-ci ilin aprelində onların Kalkinin mərhum bacısının adını daşıyan Dakota Sonq adlı bir oğlu olub.
 

Qeyd edək ki, Dakota Culkin 2008-ci ildə avtomobil tərəfindən vurulmuşdu.

(Ətraflı burada)


Brendadan əvvəl Kalkin aktrisa Rachel Miner ilə evli olub, lakin evlənənən zaman cəmi 17 yaşları var idi və bu evlilik boşanma ilə başa çatıb.

Aynil

Sfera.az