Dünyada ən yüksək inflyasiya BU ÖLKƏDƏDİR - 100 faiz...
2022 və 2023-cü ildə dünyanın bir çox ölkəsində yüksək inflyasiya müşahidə edilir. İnflyasiya inkişaf etmiş ölkələrdə 5-10 faiz intervalında dəyişsə də, inkişaf etməkdə olan ölkələrdə ikirəqəmli səviyyədə qeydə alınır.
Sfera.az xəbər verir ki, yüksək inflyasiya qeydə alınan ölkələr arasında ilk sırada Argentina gəlir.
Argentinada inflyasiya üçrəqəmli səviyyəyə yüksəlib. Burada illik inflyasiya fevralda 100 faizi ötüb.
Dünyada ən yüksək inflyasiyanın müşahidə olunduğu ölkədə astronomik qiymət artımı builki prezident seçkiləri ərəfəsində resessiyaya girəcəyi gözlənilən iqtisadiyyata əlavə təzyiqlər yaradır. Fevral ayında əvvəlki ilə nisbətən istehlak qiymətləri 102,5 faiz artıb. Beləliklə, ölkədə inflyasiya dünyada rekord səviyyəyə çatıb.
Vasif