“COVID-19-un mənşəyi çox güman ki, Çindəki laboratoriyadan qaynaqlanır”.

Sfera.az bildirir ki, bunu Federal Təhqiqatlar Bürosunun (FTB) direktoru Kristofer Rey deyib.

O, qiymətləndirmənin agentliyin analitiklərinin, o cümlədən alimlərin apardığı araşdırmalara əsaslandığını və bununla bağlı işlərin davam etdiyini söyləyib. Rey FTB-nin gəldiyi nəticəni isə paylaşmayıb.

"Bölüşə biləcəyim, məxfi olmayan təfərrüat yoxdur", - o bildirib.

FTB direktoru eyni zamanda, Çini qlobal pandemiyanın mənbəyinin müəyyənləşdirilməsini mümkün olan hər yolla ləngitməyə çalışmaqda ittiham edib. Digər tərəfdən, Reyin sözügedən açıqlaması ABŞ və Çin arasında gərginliyin artdığı bir vaxta təsadüf edib.  

Günay Rəsulqızı