Çin xarici işlər nazirliyinin sözçüsü Mao Ninq Pekinin ABŞ-nin Moskvaya hərbi dəstək ittihamları ilə bağlı təhdid və təzyiqlərinə dözməyəcəyini deyib.

Sfera.az xəbər verir ki, o, Ağ Evin Çinin Rusiyaya hərbi yardımı ilə bağlı getdikcə daha tez-tez irəli sürdüyü iddiaları şərh edərkən, Vaşinqtonun Kiyevi öldürücü silahlarla təmin etməkdə və Pekinlə razılaşmaları pozaraq Tayvan adasını silahlandırmaqda davam etdiyini bildirib.

Nazirlik rəsmisi ABŞ-nin bu məsələ ilə bağlı dünyaya izahat verməli olduğunu qeyd edib.

Qeyd edək ki, ABŞ dövlət katibi Entoni Blinken daha əvvəl bəyan etmişdi ki, Vaşinqton Çinin Rusiyaya hərbi yardımını sübut edən bəzi faktları açıqlamağı planlaşdırır.

O, Pekinin “Rusiyaya ölümcül dəstək verməyi düşündüyünü” iddia edib.

İnci