Qusarda Şahdağ turizm mərkəzinin yaxınlığında yerləşən otellərdən birində yanğın olub.

Sfera.az qafqazinfo-ya istinadən xəbər verir ki,  otel ərazisindəki koteclərdən birində qeydə alınan yanğın zamanı 4 nəfər vəfat edib.

Ölənlər Babayev Emin, Babayev Rauf və Babayeva Zülfiyyə (bir ailənin üzvü) və Babaşov Rüstəmdir.Yanğın zamanı digər koteclərdə olan 6 nəfər isə xəsarət alıb.

Polis əməkdaşlarının keçirdiyi təhlükəsizlik tədbirləri nəticəsində faciənin miqyasının genişlənməsinin qarşısı alınıb.

Hadisə yerinə aidiyyəti dövlət qurumlarının əməkdaşları cəlb olunub