2023-cü il bəzi bürclərin iş həyatına şans gətirəcək. Bu bürclər uğur nərdivanını sürətlə qalxaraq karyeralarının zirvəsində olacaqlar.

Sfera.az bu dəfə həmin bürcləri təqdim edir.

Xərçəng bürcü - 2023-cü il istədiklərinizi əldə etmək üçün uğurlu ildir. Siz il ərzində zəhmətləriniz və fədakarlıqlarınızın bəhrəsini alacaqsınız. Bu bürcün nümayəndələri adətən introvert insanlar olur. Amma bu ildən etibarən onlar çox diqqət mərkəzində olacaqlar.

Şir bürcü - Qətiyyətli və iddialıdırlar. Onlar öz ideyalarını həyata keçirmək üçün yorulmadan çalışırlar. Adətən heç kimə qulaq asmırlar və dikbaşdırlar. Şir bürcləri bu il zəhmətlərinə görə mükafatlandırılacaqlar. Çoxdandır, gözlədikləri yüksəlişi əldə edə bilərlər. Danışan, ünsiyyətcil və zehni zəkalı təbiətləri ilə yaxşı bir komanda lideri olacaqlar.

Tərəzi bürcü - Əsasən qərarsız olan tərəzilər 2023-cü ildə zəifliklərini aradan qaldıra biləcəklər. Onlar adətən özlərindən çox ətrafdakı insanlar haqqında düşünürlər. Bu il isə bu bürcün nümayəndələri bütün diqqətlərini özlərinə yönəldəcəklər. İş həyatında mütləq uğur qazanacaqlar. Uzun müddət çalışdıqlarına görə mükafatlarını alacaqlar.

Oğlaq bürcü - Astrologiyada zəhmətkeşliyi ilə tanınırlar. 2023-cü il onlara güclərini artırmağa və nüfuzlu mövqeyə çatmağa kömək edəcək. Onlar sadəcə vəziyyəti müəyyənləşdirməli və fürsətdən istifadə etməlidirlər, əks halda bu, onların əlindən itə bilər.

Balıq bürcü – Nəhayət arzularını həyata keçirə biləcəklər. 2023-cü ildə gülümsəyəcək bürclər arasında yer alan balıqlar iş həyatında hədəflərinə çatacaqlar. Onlar öz istedadlarını və fərqli düşüncələrini nümayiş etdirmək imkanı əldə edəcəklər.

Qoç, Buğa, Əkizlər, Qız, Əqrəb və Dolça gələn il daha çox şəxsi həyatlarına diqqət yetirəcəklər. Onlar diqqət mərkəzindən uzaq durmağa, həyat yoldaşına və ailəsinə diqqət yetirməyə çalışacaqlar.

Türkan