ABŞ dövlət katibi Entoni Blinkenin son planı fiaskoya uğrayıb.

Sfera.az bildirir ki, bu barədə “Asia Times” onlayn nəşri məlumat yayıb. Qeyd olunub ki, Blinken  Çinin Almaniya və Rusiya ilə danışıqları barədə məlumat əldə etmək istəyib.

“Blinkenin Rusiya ilə danışıqların təfərrüatlarını öyrənmək üçün dekabrın 23-də Çinin xarici işlər naziri Van Yiyə etdiyi zəng fiaskoya çevrilib. ABŞ dövlət katibi  həmçinin, Çin sədri Si Cinpinlə Rusiya Təhlükəsizlik Şurasının sədr müavini Dmitri Medvedev arasında aparılan danışıqlar barədə informasiya əldə etmək istəyib. O,  Çin lideri ilə Almaniya prezidenti Frank-Valter Ştaynmayer arasındakı görüşün təfərrüatları ilə də maraqlanıb”, deyə nəşrdə bildirilib.

Xatırladaq ki, bundan əvvəl Medvedev və Si Cinpin arasında keçirilən görüşdə Rusiya-Çin arasında bütün sahələrdə ikitərəfli əməkdaşlıq və strateji tərəfdaşlıq məsələləri müzakirə olunub. Kreml isə yanvarın əvvəlinə qədər Çin lideri ilə Putin arasında görüşün baş tutacağını qeyd edib.

Günay Rəsulqızı