“Vaxtilə metronun “Avtovağzal” stansiyası istifadəyə veriləndə “Şamaxinka”, “Memar Əcəmi” və “20 Yanvar” metro stansiyalarında bir qədər yüngülləşmə olmuşdu. “Xocəsən” stansiyasının istifadəyə verilməsi də vəziyyəti hiss ediləcək dərəcədə yaxşılaşdıra bilər”.

Sfera.az bildirir ki, bunu nəqliyyat məsələləri üzrə ekspert Ərşad Hüseynov deyib. Onun sözlərinə görə, stansiyanın yaxınlığında nəqliyyat mübadilə mərkəzi yaratmaq zəruridir:

“Lökbatandan , o cümlədən “Sədərək”, “Binə” və “Meyvəli” ticarət mərkəzlərindən Ələtədək, şimal-qərb istiqamətində isə Sulutəpədən Pirəkəşkülədək, habelə Xırdalanın qərb tərəfindən sərnişin axınını bu stansiyaya yönəltmək lazımdır. Bunun üçün müəyyən marşrut avtobuslarının hərəkət sxemi dəyişdirilməli, stansiya ətrafında və oraya gətirən yollarda hərəkətin təşkilində ciddi dəyişikliklər edilməlidir. Düşünürəm ki, bundan sonra göstərilən istiqamətdən müntəzəm olaraq sərnişin daşıyan taksilərin də bəziləri tədricən “Xocəsən” stansiyasını seçəcək”.

Ekspert qeyd edib ki, belə edilsə, metropolitenin bənövşəyi xətti üzrə indiki hərəkət qrafiki də “Şamaxinka”dakı və “20 Yanvar” zonasındakı sürəkli tıxaclardan daha cazibədar olacaq:

“Perspektivdə isə "Xocasən" stansiyası yaxınlığındakı dəmiryol üzərində şəhərətrafı qatarlar üçün stansiya tikmək, Lökbatan-Ələt istiqamətində şəhərətrafı qatarlarala səmərəli sərnişin daşıma təşkil etmək lazımdır. Bənövşəyi xəttin "8 Noyabr" stansiyasından sonrakı hissəsinin tikintisinin sürətləndirilməsi və bu xətt üzrə qatarlar arası intervalın azaldılması da çox vacibdir”,

Türkan