“ABŞ və onun NATO müttəfiqləri Rusiyanı məhv etmək üçün qələbə istəyirlər”.

Sferaz.az bildirir ki, bunu “TASS” agentliyinə açıqlamasında Rusiyanın xarici işlər naziri Sergey Lavrov deyib. Onun sözlərinə görə, kollektiv Qərb ölkələri və Zelenskinin hərəkətləri Ukraynadakı böhranın qlobal xarakter daşıdığını təsdiqləyir.

“Artıq heç kimə sirr deyil ki, ABŞ və onun NATO müttəfiqlərinin strateji məqsədi ölkəmizi əhəmiyyətli dərəcədə zəiflətmək, hətta məhv etmək üçün Rusiyanı döyüş meydanında məğlub etməkdir. Bu məqsədə çatmaq üçün Rusiyanın rəqibləri çox şeyə hazırdırlar. “Qaynar münaqişə”nin əsas nəzarətçisi ABŞ-dır. Onlar müharibədən həm hərbi-strateji, həm də iqtisadi baxımdan maksimum fayda əldə etməyə çalışır”.

Lavrov həmçinin qeyd edib ki, Vaşinqton daha bir  mühüm geosiyasi vəzifəni həll edir: “Bu, Rusiya ilə Avropa arasında ənənəvi əlaqələri pozmaq və Avropa peyklərini özlərinə tabe etməkdən ibarətdir” – XİN rəhbəri bildirib.

Günay Rəsulqızı