“Gucci” pedofiliyanı təbliğ etməkdə ittiham olundu - Skandal

İtalyan moda evi “Gucci” pedofiliyanı təbliğ etməkdə ittiham olunub.

Sfera.az bildirir ki, buna səbəb musiqiçi Harri Stilsin iştirakı ilə yeni "HA HA HA" kolleksiyasının reklam kampaniyası olub. 

Bu reklamda o, uşaq döşəyinin fonunda üzərində çəhrayı ayı şəkli olan köynəkdə rol alıb. 

Sosial şəbəkə istifadəçiləri və vətəndaşlar isə böyüklər üçün reklamda uşaq atributlarından istifadəni qətiyyətlə pisləyiblər. Onlar böyüklərin uşaq döşəyinin yanında poza verməsi ədəbsiz eyhamlar sayıldığını bildiriblər.

Şotlandiyalı teleaparıcı Gillian McKeith Tvitter hesabında "Böyük adam Harry Styles niyə Gucci reklamında uşaq döşəyi və oyuncaq ayı ilə çəhrayı köynəklə poza verir? Bu mənim xoşuma gəlmir"- deyib. Twitt digər istifadəçilər tərəfindən də dəstəklənib.

Çox maraqlıdır ki, “Gucci”nin yaradıcısının nəvəsi, eyni zamanda uşaqlara qarşı cinsi zorakılığa qarşı mübarizəyə həsr olunmuş fondun yaradıcısı Alexandra Zarini də reklam kampaniyası haqqında münasibət bildirib.

O, sosial şəbəkədə: "Gucci ən yüksək keyfiyyətli məhsula malik ən zərif brend olmaq üçün yaradılıb. Onun indi tutduğu istiqamət narahatedicidir. Uşaqların müdafiəsi həmişə birinci yerdə olmalıdır və ona gülmək olmaz"-yazıb.

"HA HA HA" kolleksiyasından şəkillər noyabrın əvvəlində yayımlansa da, kampaniyanı təbliğ edən İnstaqram postu indi yeni reklam dalğasına səbəb olub.

Sosial şəbəkə istifadəçiləri bir müddət əvvəl səs-küylü qalmaqala girən “Gucci” və “Balenciaga”nın eyni şirkətə - Keringə aid olmasına da diqqət çəkiblər. “Gucci”isə hələlik etirazlar və tənqidlərə münasibət bildirməyib, Harri Stils özü də də bu barədə açıqlama verməyib.

Xatırladaq ki, “Balenciaga” moda evi də internetdə əllərində oyuncaq ayı tutan uşaqların iştirak etdiyi yeni reklam kampaniyasının görüntüləri yayıldıqdan sonra valideynlər tərəfindən tənqid edilmişdi. Bundan sonra ispan markası “Ballenciaga” uşaqların oyuncağı əllərində tutduqları iki şəkli çıxarıb və postları silmişdi.

Xanım