Medvedev Twitter-də jurnalisti blokladı - SƏBƏB
“The Insider” araşdırma layihəsinin rusiyalı jurnalisti Sergey Yejov Təhlükəsizlik Şurası rəhbərinin müavini, Rusiyanın eks-prezidenti Dmitri Medvedevə oğlunun müharibədə iştirakı barədə sual verib.
Sfera.az bildirir ki, jurnalist sualı Twitter-də ünvanlayıb.
Müxbir Medvedevə müdafiə naziri Sergey Şoyqunun çağırış yaşının 30 yaşa qaldırılması təklifini xatırladıb.
"Çağırış yaşı, Şoyqunun dediyi kimi, 30-a çatdırılsa, İlya Dmitrieviç Medvedev adlı "Vahid Rusiya" partiya vəsiqəsi olan bu vətənpərvər vətəndaşın hələ də vətəninə xidmət etmək şansı var. Çağırış şurasına ilk gedən, o olacaq, elə deyilmi, Dmitri Medvedev”?
Dmitri Medvedev Yejovun sualına cavab vermək əvəzinə onu sosial şəbəkədə bloklayıb. Jurnalist qara siyahıya əlavə olunduğu skrinşotu yayımlayıb.
"İnanmayacaqsız, ama o məni blokladı" -Yejov paylaşarkən belə yazıb.
Bəs Dmitri Medvedevin oğlu nə ilə məşğuldur?
İlya Medvedev 1995-ci ildə Sankt-Peterburqda anadan olub. “The Insider” yazır ki, o universiteti bitirdikdən dərhal sonra “EM Wye Group” ASC-də işə düzəlib. 2018-ci ildə o, şirkətdən 3 milyon rubldan çox gəlir əldə edib.
Sabiq prezident oğlunun rəqəmsal iqtisadiyyatda özəl biznes layihələri ilə məşğul olmağa çalışdığını bildirib.
“EM Wye Group”un rəhbəri keçmiş Rusiya energetika naziri İqor Yusufovun kiçik oğlu, Forbes jurnalına görə Rusiyanın ən varlı adamı Maksim Yusufovdur (1,1 milyard dollar sərvətlə 86-cı yer).
Jurnalistlər İlya Medvedevin ən azı 2016-cı ildən 2018-ci ilə qədər “VKontakte” MMC və Mail.ru-dan maaş aldığını bildirib. Bu şirkətlər o vaxt rus rəqəmsal maqnat Əlişir Usmanova məxsus idi və The Insider onun da Medvedyevlə əlaqəsi olduğunu iddia edir.
Rusiya ordusuna çağırış - Şoyqu çağırışçıların yaş həddini anlayışla qarşılamağa çağırır
Rusiyanın müdafiə naziri Sergey Şoyqu dekabrın 21-də nazirliyin genişləndirilmiş kollegiyasının iclasında çağırışçılar üçün yaş həddinin 18-dən 21-ə, məhdudiyyətin isə 27-dən 30-a qaldırılmasını təklif edib.
Onun sözlərinə görə, Rusiya Federasiyasında hərbi xidmətə çağırış yaşı mərhələli şəkildə artırılacaq. Nazir həmçinin Rusiya silahlı qüvvələrinin sayını 1,5 milyon nəfərə çatdırmağı təklif edib.
Aynil
