Mədəniyyət naziri vəzifəsindən azad edilməyib - FOTOFAKT
Bu gün mədəniyyət naziri Anar Kərimov tanınmış və istedadlı heykəltaraşı, Xalq rəssamı, Azərbaycan Rəssamlıq Akademiyasının rektoru Ömər Eldarov ilə görüşüb.
Sfera.az xəbər verir ki, nazir rəssamı Mədəniyyət Nazirliyinin kollektivi adından 95 illik yubileyi münasibətilə təbrik edib.
Qeyd edək ki, bu gün mediada Anar Kərimovun vəzifəsindən azad olunması ilə bağlı xəbərlər yayılmışdı. Mədəniyyət nazirinin məhz bu gün rəssamı “Şuşa 270” döş nişanı ilə təltif etməsi yayılan məlumatları təkzib edir və nazirin işinin başında olmağının göstəricisi kimi qiymətləndirilir.
Anar Kərimov Xalq rəssamı ilə görüşü zamanı uzun illər ərzində Azərbaycan rəssamlıq və heykəltəraşlığının təbliği və inkişafında göstərdiyi xidmətlər və gördüyü əvəzsiz işlər üçün ona dərin təşəkkürünü də bildirib.
Xatırladaq ki, Ömər Eldarovu təbrik edənlər arasında Prezidentin köməkçisi Anar Ələkbərov da olub.
Orxan
