“Ukrayna savaşı ABŞ-ı çökdürəcək” – Sabiq Pentaqon rəsmisi

Ukrayna münaqişəsi Vaşinqtonun əleyhinə çevriləcək.

Sfera.az bildirir ki, bunu Pentaqon rəhbərinin keçmiş müşaviri, polkovnik Duqlas Makqreqor deyib. Onun fikrincə, ABŞ artıq öz maraqlarını dünyaya sırımaq iqtidarında deyil.

Makqreqor “YouTube” kanalındakı çıxışında fikirlərini bu cür davam etdirib:  “Hegemonluq çökəcək, dağılacaq və Rusiya ilə Ukrayna arasındakı münaqişə bu prosesi sürətləndirəcək. Üstəlik, ABŞ-ın dünya miqyasında liderliyi ağır iqtisadi böhran səbəbindən sona çatır”.

Polkovnik qeyd edib ki, ABŞ praktiki olaraq məhv olub: “Bununla belə, Qərb elitasının ABŞ-ı Rusiya ilə açıq qarşıdurmaya vadar etmək üçün hər cür cəhd göstərməsi narahatlıq doğurur. Bizi “seçim müharibələri”nə, müqavimət göstərmək imkanı olmayan düşmənlərə qarşı zəif münaqişələrə cəlb edirlər.  Mən İraq və Əfqanıstandan danışıram”, - Makqreqor əlavə edib.

Günay Rəsulqızı