Tovuz rayonunun Əyyublu kəndində həmkədlisi Bəxtiyar Əkbərovu bıçaqlayaraq qətlə yetirən 1988-ci il təvəllüdlü Tural Hüseynovun məhkəmə prosesi başa çatıb.

Sfera.az xəbər verir ki, Gəncə Ağır Cinayətlər Məhkəməsinin hökmü ilə T. Hüseynov 12 il müddətinə azadlıqdan məhrum edilib.

Xatırladaq ki, hadisə bu il mayın 5-də baş verib.

İttihama görə, qətl borc üstündə törədilib. Belə ki, tanışı Turala Bəxtiyarın ona borclu olduğunu, buna görə də zənglərinə cavab vermədiyini deyib. Tural mübahisəni çözmək məqsədilə mərhumun evinin önündə onunla söhbətə gedib. Bu zaman Bəxtiyarla Tural arasında mübahisə yaranıb və Bəxtiyar ona qarşı nalayiq ifadələr işlədib. Tural sərxoş olduğundan bundan qəzəblənib və bıçaqla ürəyindən vuraraq Bəxtiyarı qətlə yetirib.

Nəzrin