Rusiya vətəndaşı Vyaçeslav Mamukov dövlət sirrini Ukrayna təhlükəsizlik orqanlarına satmağa cəhd etdiyinə görə 12 il müddətinə azadlıqdan məhrum edilib.
 

Sfera.az xəbər verir ki, bu barədə Rusiya Federal Təhlükəsizlik Xidmətinin (FTX) İctimai Əlaqələr Mərkəzinin yaydığı məlumatda deyilir. 

“Rusiya Federal Təhlükəsizlik Xidməti tərəfindən aparılan istintaq-əməliyyat tədbirləri və istintaq hərəkətləri zamanı müəyyən edilib ki, dövlət sirri təşkil edən məlumatlara çıxışı olan Vyaçeslav Mamukov Ukrayna xüsusi xidmət orqanlarının nümayəndələri ilə internet vasitəsilə əlaqə saxlayıb və onlara pul mükafatı müqabilində Rusiya təhlükəsizliyinin zərərinə istifadə oluna biləcək məlumatları satmağı təklif edib.”, - deyə İctimaiyyətlə Əlaqələr Mərkəzindən bildirilib.

Mərkəzdən bildirilib ki, söz keçən məlumatlar nəqliyyat infrastrukturu obyektləri ilə bağlı dövlət və kommersiya sirri olan məlumatlar olub.

Orxan