Üç uşaq anası olan sevgilisinə bıçaqla xəsarət yetirən 15 yaşlı oğlana HÖKM OXUNDU

Bakı Ağır Cinayətlər Məhkəməsində Səbail rayonunda sevgilisinə bıçaqla xəsarət yetirmiş 2007-ci il təvəllüdlü İlkin Cəbiyevin işi üzrə məhkəmə prosesi başa çatıb.

Sfera.az xəbər verir ki, hakim İradə Həsənzadənin sədrliyilə keçirilən prosesdə təqsirləndirilən şəxsə hökm oxunub. Məhkəmənin hökmü ilə İ. Cəbiyev 3 il azadlıqdan məhrum edilib. Qərara əsasən, İ.Cəbiyev barəsində 70-ci maddə tətbiq edilərək ona iki il müddətinə şərti cəza təyin edilib.

Xatırladaq ki, hadisə bu il iyulun 5-də baş verib.

İlkin Cəbiyev məhkəməyə verdiyi ifadəsində bildirib ki, onunla eyni məhəllədə yaşayan Dilbər İbrahimova ilə iki il öncə, 13 yaşı olarkən tanış olub və aralarında intim münasibət yaranıb. Lakin bu ilin iyun ayından başlayaraq Dilbər ona qarşı soyuq davranmağa başladığından 15 yaşlı oğlan Dilbərin ona xəyanət etdiyi qənaətinə gəlib. Bu məqsədlə bıçaq götürərək Dilbərin evinə gedib. Qapını Dilbərin uşaqları açıb və analarının evdə olmadığını, paltar mağazasına getdiyini deyiblər. İlkin həmin ünvana gedib və orada qadına bıçaqla xəsarət yetirib.

Dilbər İbrahimova ailəli olub və 3 azyaşlı uşağı var. O məhkəməyə verdiyi ifadəsində bildirib ki, əri söhbətdən xəbər tutduqdan sonra onu döyüb və boşanmaq üçün məhkəməyə müraciət edib.

Nəzrin