Dünyanın ən zəngin adamı artıq Mask deyil - Onu bu şəxs ƏVƏZLƏDİ

Dünyanın zənginlər sıralamasında uzun müddət zirvədə yer alan “Tesla” və “Twitter”in sahibi İlon Mask artıq öz yerini itirib.

Sfera.az “Bloomberg”ə istinadən xəbər verir ki, buna səbəb “Tesla”nın bazar dəyərinin xeyli azalmasıdır.

Şirkətin bazar dəyəri son günlərdə bir qədər də azalaraq 500 milyard dollardan da aşağı düşüb. “Tesla”nın səhmlərinin ucuzlaşmasından sonra dünyanın ən varlı adamı adına “Louis Vuitton”un rəhbəri Bernard Arnault yiyələnib.

“Tesla”nın ucuzlaşmasından sonra Maskın sərvəti 163,6 milyard dollara qədər azalıb. Maskın sərvəti bir gündə 4 milyard dollar azaldığı halda, 2022-ci ildə ümumi sərvət itkisi 106 milyard dolları keçib. Amerikalı milyarderin “kasıblama”sından sonra onun yerini Fransız lüks imperiyasının rəhbəri Bernard Arnault tutub. Arno hazırda 170 milyard dollardan çox sərvəti ilə dünyanın ən varlı adamıdır. Pul siyasətinin sərtləşdirilməsi ilə əlaqədar qlobal bazarlarda kəskin dalğalanmaların yaşandığı ildə Arnaultun sərvəti cəmi 7 milyard dollar əriyib. Arnault dünyanın ən böyük lüks qrupu “Louis Vuitton” və şampan markası “Dom Perignondan” “Christian Dior”a qədər 75 brendin rəhbəridir.

Vasif

Sfera.az