Rusiya Dövlət Dumasının deputatı, general-leytenant Andrey Qurulevin son çıxışı müzakirələrə səbəb olub.

Sfera.az bildirir ki, deputat Avropanın Rusiya ilə müharibəyə hazırlaşdığını iddia edib.

“Sizi əmin edirəm ki, Avropa bu gün qitədə genişmiqyaslı müharibəyə hazırlaşır. Təkcə almanların deyil, italyanların, fransızların, ispanların və portuqalların da döyüşə hazır olduqlarını bəyan edəcəkləri gün uzaqda deyil”, - deyə Qurulev teleqram kanalında yazıb.

O, həmçinin əlavə edib ki, Şimali Atlantika Alyansı ölkələri sadəcə olaraq ABŞ-ın öz maraqlarını təbliğ etmək üçün istifadə etdiyi alətdir.

Qeyd edək ki, bundan əvvəl fransalı deputat Tyeri Mariani Avropa Parlamentinin Avropanı Rusiya ilə müharibəyə sövq etdiyini bildirmişdi.

Günay Rəsulqızı