Qışda dəriyə qulluq çox vacibdir.

Mütəxəssislər bildirir ki, kosmetikaya qatılan ətirləndiricilər həssas, hiperallergik dərilərə xüsusilə qışda daha çox zərər verə bilər.

Həssas dərili insanlar qışda daha çox çətinlik çəkirlər. Dəri lopalaşır, quruyur, qırmızı olur və hətta adi kosmetikaya belə pis reaksiya verir.
Qış mövsümündə dəriyə bir çox amillər pis təsir edir: soyuq külək, şaxta, evdəki hava. Bu vaxt kosmetika dəriyə kömək edə bilir, lakin ətirsiz losyonlar və yüngül kremlər seçmək daha yaxşıdır.


Sfera.az bildirir ki, TikTok-da #fragrancefreeskincare həştəqi 39,5 milyard baxışa çatıb və hələ də çoxalmaqda davam edir. Bu mövzudan sonra hava dəyişdikdə dəriyə qulluq zamanı ətirli məhsullardan imtinanı tövsiyə edən skinfluencerlərdən dermatoloqlara qədər izləyicilərə faydalı məsləhətlərlər verib.
 

“Təəssüf ki, ətirli vasitələrdə tez-tez istifadə edilən bəzi inqrediyentlər onları ümumi allergen və qıcıqlandırıcı hala gətirir”-deyə mütəxəssis Charlene Valledor izah edir.
 

Ən çox yayılmış aroma allergenlərindən bəziləri: darçın, izoeugenol, limon və linalooldur. Bu ətirlər dəridə mənfi reaksiyalara səbəb ola bilər.
 

Bu ətirli tərkib hissəsi çox xoş təsir bağışlaya bilər. Lakin bir çoxları üçün dəridəki qoruyucu baryeri qıra bilər, nəticədə qızartı, həssaslıq və dərinin qurumasına səbəb olur.
 

Dərinin qoruyucu baryerinin zədələnməsi isə yad və qıcıqlandırıcı maddələrin dərinə nüfuz etməsinə və infeksiyalar kimi əlavə problemlərə səbəb ola bilər.
 

Ətirli vasitələrlə bağlı ən əsəb pozucu cəhət odur ki, brendlərdən ətrin özünü yaratmaq üçün istifadə olunan inqrediyentləri sadalamaq tələb olunmadığından, adətən inqrediyentləri sadəcə olaraq “ətir” adlandırırlar, tərkibinin nə olduğunu öyrənmək isə hər zaman mümkün olmur. Baxım məhsulunda bu inqridient tam olaraq gizlənir və problemə səbəb ola bilir.
 

Ancaq bu qayda hər kəs üçün deyil. Dermatoloq Dr.İris Rubin deyir: "Bəzi insanların ətirlər və ətirli vasitələrlə bağlı problemi yoxdur".


Kosmetika istənilən halda müəyyən bir qoxuya sahib olmalıdır. Komponentlərin qoxusu bu və ya digər vasitədən imtina etməyə səbəb olmamalıdır. Kosmetik prosedurlardan sonra dərinin nisbətən qalın və quru göründüyünü hiss edirsinizsə, bu məhsullardan qaçmaq lazımdır. Bu çox güman ki, onlara vurulan dadlandırıcılarla əlaqəlidir.

Aynil