Regionda müharibə təhlükəsi - Yaponiya özünümüdafiə qüvvələri qurur
Hind-Sakit okean regionunda artan müharibə təhlükəsi səbəbindən Yaponiya getdikcə daha çox silah əldə etməyə çalışır.
Sfera.az “The Washington Post”a istinadən bildirir ki, Yaponiya özünümüdafiə qüvvələrinin böyük artımının bir hissəsi kimi yüzlərlə ABŞ-ın “Tomahawk” qanadlı raketlərini əldə etməyə çalışır. Ənənəvi olaraq, Yaponiya diqqəti müdafiə silahlarına yönəldib və “Tomahawk” bu baxımdan vurma potensialını ciddi şəkildə artıracaq.
Yaponiya ilkin olaraq təxminən 400-500 Tomaqavk istəyir.
Yaponiya 2027-ci ilə qədər hərbi büdcəsini ÜDM-in 2%-nə çatdıracaq ki, bu da onu dünyada üçüncü ən böyük ölkə edəcək. Ölkə uzun müddətdir mövcud olan pasifist məhdudiyyətlərini aradan qaldırmağa çalışır. ABŞ üçün Yaponiya Qərbi Sakit okeanda ən yaxın müttəfiqdir. Ona görə də alyansın dərinləşdirilməsi regional təhlükəsizliyin möhkəmləndirilməsi strategiyasıdır.
Rəsmilər 400-dən 500-ə qədər “Tomaqavk” almaq qərarı Çin və Şimali Koreyanın diqqətini Yaponiyanın özünümüdafiə məsələsinə ciddi yanaşdığına yönəldəcək. ABŞ-Yaponiya ittifaqı Çin və Şimali Koreyada radikal qüvvələrin yığılması fonunda güclənir.
Rusiyanın Ukraynada genişmiqyaslı işğalı Yaponiyada dəyişikliklərə kömək edir. Liberal-demokratik partiyalar ordunun gücləndirilməsinin tərəfdarıdırlar. İcma dəstəyi də 2020-ci ildəki 37%-dən 60%-ə yüksəlib.
Çində isə Yaponiyanın hərəkətlərini “çox təhlükəli hadisə” adlandırırlar.
Çin Xarici İşlər Nazirliyinin sözçüsü Mao Ning:
“Yaponiya təcavüz tarixi haqqında ciddi düşünməli, Asiya qonşularının təhlükəsizlik qayğılarına hörmət etməli, hərbi təhlükəsizlik sahəsində ehtiyatlı davranmalı və regional sülh və sabitliyin təşviqi üçün daha çox işlər görməlidir"- deyə bildirib.
Xatırladaq ki, Yaponiya ən son silahları Rusiya ilə sərhəddən 60 km aralıda yerləşdirmək niyyətindədir. Mövqelər 1000 km-dən çox mənzilli raketlərlə təchiz ediləcək.
Aysel
