Messi yenə gündəm oldu - "Get burdan, bu qədər..."
Qətərdə 2022-ci il dünya çempionatı davam edir.
Sfera.az xəbər verir ki, dünən, dekabrın 9-da bu çempionatın ən maraqlı oyunlarından biri baş tutub. Belə ki, Argentina yığması ¼ finalda Hollandiya komandası üzərində penaltilər seriyasında qalib gəlib. Bununla da komanda Braziliya yığmasını yarışdan kənarlaşdıran Xorvatiya komandası ilə mübarizə aparacaqları yarımfinala yüksəlib.
Məlum olduğu kimi, Argentina – Hollandiya matçı bütün aspektlərdə hədsiz dərəcədə gərgin mübarizə şəraitində keçib, futbolçular arasında mütəmadi olaraq toqquşmalar və mübahisələr olub. Kameraların qeydə aldığı kimi, oyundan sonra da etirazlar sakitləşməyib və mübahisələr hətta paltardəyişmə otağına gedən yolda da davam edib.
Belə ki, jurnalistlər Messinin Hollandiya millisinin futbolçusu Vut Veqhorstu necə təhqir etdiyini lentə alıblar. "Get burdan. Axmaq, bu qədər nəyə baxırsan, axmaq, get buradan”, - deyə Messi futbolçuya müraciət edib.
Maraqlıdır ki, Messi hər şeyin lentə alındığını çox gözəl bilirdi, çünki həmin an müsahibə verirdi, lakin hər halda, emosiyalarına hakim ola bilməyib. Bu hadisədən sonra internetdə Messiyə qarşı daha bir kampaniyanın başladığı görünür. Azarkeşlər iddia edirlər ki, Messinin heç bir halda rəqibin futbolçusu ilə belə danışmağa haqqı yoxdur.
Xatırladaq ki, Argentina millisinin lideri Meksika millisi ilə qrup mərhələsinin oyunundan sonra Meksika formasını yerə ataraq qalmaqalın mərkəzində olmuşdu.
İnci