Alimlər daha ucuz əldə edilən duz batareyası yaratdı
Beynəlxalq alimlər qrupu ekoloji cəhətdən təmiz və ən əsası daha səmərəli natrium-kükürd batareyası hazırlayıb.
Sfera.az “New Atlas”a istinadən bildirir ki, müxtəlif ölkələrin tədqiqatçıları təxminən 50 ildir “ərimiş duz” adlanan maddədən akkumulyatorların yaradılması üzərində işləyirlər. Ənənəvi olaraq, tədqiqatçılar bir elektrolit kimi natrium kükürddən (Na2S) istifadə edib və sonra maddəni maye vəziyyətdə saxlamaq üçün elektrodları yüksən temperaturda qızdırıblar. Duz akkumulyatorlarının xammalı birbaşa dəniz suyundan ucuz əldə edilməsinə baxmayaraq, kommersiya tətbiqlərində hələ praktik istifadə olunmur. Çünki bu akkumlyatorlar aşağı tutumlu və qısa ömürlüyü ilə xarakterizə olunur.
Sidney Universitetinin doktoru Shenlun Zhaonun rəhbərlik etdiyi Çin və Avstraliyadan olan bir qrup alim otaq temperaturunda belə yaxşı işləyən yeni dizayn hazırlayıb. Onlar karbon əsaslı elektrod və pirolizin termal parçalanmasından istifadə edərək natrium-kükürdlü akkumulyatorları daha da təkmilləşdiriblər.
Nəticədə, oxşar litium-ion strukturları ilə müqayisədə dörd dəfə güclü 1017 mAh planşet batareyaları əldə edilib. Bundan əlavə, onlar çox uzun müddət işləyə bilərlər. Texnologiyanın imkanlarını laboratoriyada sınaqdan keçirən alimlər müxtəlif cihazlarda istifadə oluna bilən enerji elementləri olan akkumulyatorlar yaratmaq qərarına gəliblər.
Qeyd edək ki, bundan əvvəl alimlər elektrik enerjisini birbaşa havadan alan qeyri-adi akkumulyator yaradıblar. Bu akkumlyatorların tərkibi dəniz duzu, mürəkkəb və ətraf mühitdən gələn nəmi təkrar emal edən geldən hazırlanmış xüsusi parçadır.
Xanım