Rusiya yenidən Ukraynaya raket zərbəsi endirdi - Şəhərlər işıqsızdır

Ukraynanın dörd vilayətində elektrik enerjisinin verilməsində problemlər qeydə alınıb.

Sfera.az Ukrayna mətbuatına istinadən bildirir ki, Rusiya Silahlı Qüvvələrinin dekabrın 5-də endirdiyi raket zərbələrindən sonra bir sıra rayonlar işıqsız qalıb.

Vətəndaşlara Rusiyanın raket hücumu dayandırıldıqdan və enerji təchizatı bərpa edildikdən sonra su təchizatı ilə bağlı vəziyyətin sabitləşəcəyi barədə məlumat verilib.
 

Həmçinin yerli Telegram kanallarında insanlar fərdi evlərdə və hündürmərtəbəli binalarda enerjinin fasilərlə verilməsindən şikayətlənirlər.
 

Odessa şəhərində raket zərbəsindən sonra güclü yanğın başlayıb, ilkin məlumata görə, yarımstansiyalardan biri yanır.
 

Yerli hakimiyyət orqanları atəş nəticəsində şəhərin bir hissəsinin işıqsız qalması ilə əlaqədar elektrik stansiyalarının fəaliyyətinin dayandırıldığını bildirib.


Həmçinin Odessa şəhərində bütün qazanxanaları dayandırılıb. Elektrik enerjisi və su təchizatı bərpa edildikdən sonra işlər bərpa olunacaq.
 

Dekabrın 5-nə keçən gecə Rusiya Silahlı Qüvvələrinin hədəfə aldığı raket zərbələri nəticəsində ciddi ziyan dəymiş Krivoy Roq qismən su və işıqsız qalıb. Bu barədə şəhər hərbi administrasiyasının rəhbəri Aleksandr Vilkul Teleqram kanalında məlumat verib.
 

Bundan başqa Ukraynanın Sumı və Nikolaev şəhərlərində də Rusiya Silahlı Qüvvələrinin kütləvi raket hücumu ilə əlaqədar fövqəladə vəziyyət yaranıb.

Aynil