Regionların fasiləsiz elektrik enerjisi ilə təminatı məqsədilə dövlət büdcəsindən kifayət qədər böyük maliyyə vəsaitinin ayrılmasına baxmayaraq, bu sahədə problemlər qalmaqdadır. Bu istiqamətdə mövcud narazılıqlardan biri də Ağdaş rayonunda qeydə alınıb.

Bu barədə Sfera.az-a Ağdaş rayonu Xosrov kəndinin sakinləri müraciət edib. Onların sözlərinə görə, elektrik enerjisinin verilməsində böyük fasilələrin yaranması ciddi problemlər yaradır. Qeyd olunub ki, Ağdaş-Xosrov işıq xətti bərbaddır və  sözügedən ərazilər 365 günün tam yarısı işıqsız qalır.

Belə davam edəcəyi halda isə, bütün sakinlər adından ölkə başçısına müraciət ediləcəyi bildirilir.

“Dünyaya enerji ixrac edən bir ölkənin sakinlərinin ilin yarısı işıqsız qalması ən azı ədalətsizlikdir. Ağdaş ucqar rayon deyil.  Azərbaycanın tam mərkəzində yerləşir. Belə olan halda, problem nədir?”, deyə saytımıza daxil olan şikayətdə vurğulanıb.

İnci