Elektron siqaretlərin insan orqanizminə adi siqaretlərdən daha az zərər vurması ilə bağlı mülahizələr öz təsdiqini tapmır.

Sfera.az xəbər verir ki, bir neçə ölkədə aparılan araşdırmalar elektron siqaretlərin də adi siqaretlər kimi ağciyərləri zədələdiyi, astma simptomlarını təhrik etdiyi və ürək-damar sisteminə mənfi təsir göstərdiyi müəyyənləşib.

Elektron siqaretlərdən düzgün istifadə edilməməsi də əlavə təhlükə yaradır. Bu növ vasitələrdən düzgün istifadə olunmaması onun partlamasına, istifadəçiyə xəsarət yetirməsinə səbəb də olur. Gənclər arasında elektron siqaretdə istifadə edənlər daha çoxdur.

Rəsmi olmayan məlumatlara əsasən dünyada 50 milyona yaxın insan elektron siqaretdən istifadə edir. ABŞ-da elektron siqaretdən düzgün istifadə edilməməsinə görə 2020-ci ildə 11 ölüm faktı qeydə alınıb. Bu səbəbdən ekspertlər sağlam və təhlükəsiz yaşayış üçün elektron siqaretlərdən uzaq durulmasını tövsiyə edir.

Orxan