“Rusiya tavan qiymətlə neft satmayacaq, lazım gələrsə…” – Aleksandr Novak

"Neft hasilatımızı azaltmalı olsaq belə, yalnız bazar şərtləri ilə bizimlə işləyən ölkələrə neft və neft məhsullarını satacağıq".

Sfera.az “Bloomberg”ə istinadən xəbər verir ki, bunu Rusiya baş nazirinin müavini Aleksandr Novak Avropa Birliyinin tavan qiymət tətbiqinə cavab olaraq bildirib.

Qeyd edək ki, 2022-ci ilin dekabrın 5-dən Avropa Birliyi ölkələri dəniz yolu ilə satılan Rusiya neftinə tavan qiymət tətbiq edib. Yeni mexanizmə görə Avropa Birliyi ölkələri Rusiya neftini maksimum 60 dollara alacaqlar.

Tavan qiymət tətbiqinin bazar qaydalarını pozduğunu iddia edən Novak hesab edir ki,  yeni qiymət mexanizmi dünyada enerji qıtlığına səbəb olacaq.

Vasif

Sfera.az