Həyat yoldaşını döydü, 1000 manatından oldu – MƏHKƏMƏ QƏRARI

Arvadını döyən ər 1000 manat cərimələnib.

Sfera.az xəbər verir ki, hadisə bu il oktyabr ayının 6-da Sumqayıt şəhərində baş verib.

Hadisə günü Gülnar Babayeva və əri Sərxan Babayevin (soyadlar şərtidir) arasında mübahisə yaranıb. Mübahisə əsnasında həyat yoldaşının sözlərindən əsəbiləşən Sərxan onu yumruqla vuraraq baş nahiyyəsinə müxtəlif xəsarətlər yetirib. Hadisədən sonra Gülnar DİN-nin 102 xidmətinə ərinin onu döyməsi ilə bağlı məlumat verib, ardından isə polis bölməsinə gələrək şikayət ərizəsi yazıb.

Xatırladaq ki, cütlük 2014-ü ildə ailə həyatı qurub və onların bu evliliklərindən iki azyaşlı uşaqları var.

Sumqayıt Şəhər Məhkəməsinin hökmü ilə Sərxan Babayevin barəsində 1000 manat cərimə cəzası təyin edilib.

Nəzrin