Keçmiş icra başçısına qarşı dələduzluq edən şəxsin məhkəməsi başlayır
Gəncə Şəhər Nizami Rayon İcra Hakimiyyətinin keçmiş başçısı Məharət Mustafayevə qarşı dələduzluq etməkdə təqsirləndirilən Razin Qəhrəmanovun məhkəməsi başlayır.
Sfera.az xəbər verir ki, prosesə Bakı Ağır Cinayətlər Məhkəməsində baxılacaq və iş hakim Zeynal Ağayevin sədrliyi ilə araşdırılacaq.
Qeyd edək ki, R.Qəhrəmanova qarşı Cinayət Məcəlləsinin 178.3.2-ci (Dələduzluq, külli miqdarda ziyan vurmaqla törədildikdə) maddəsi ilə ittiham olunub.
Xatırladaq ki, daha əvvəl M.Mustafayevlə R.Qəhrəmanov eyni ittiham üzrə - dələduzluq və rüşvətə təhrik etmə maddəsi ilə ittiham edilmişdi. Gəncə Ağır Cinayətlər Məhkəməsinin hökmü ilə M. Mustafayev Cinayət Məcəlləsinin 62-ci (sanksiya həddindən aşağı cəza təyin etmə) maddəsi tətbiq edilməklə 4 il müddətinə azadlıqdan məhrum edilib. R.Qəhrəmanova isə 10 min manat cərimə cəzası təyin edilərək barəsində başqa yerə getməmək haqqında iltizam qətimkan tədbiri seçilib. Gəncə Apellyasiya Məhkəməsinin qərarına əsasən, M.Mustafayevin cəzası 1 il azaldılaraq 3 ilə endirilib.
Nəzrin Cavadzadə
