Manat bir qədər də BAHALAŞDI - Azərbaycanda durum necə olacaq?

Manatın real məzənnəsi bu ilin oktyabrında bir qədər də yüksələrək son illərin ən yüksək səviyyəsinə çatıb.

Sfera.az Mərkəzi Banka istinadən xəbər verir ki, son bir ildə manatın ümumi real effektiv məzənnəsi 18,8 faiz artıb. Bu artımdan sonra real məzənnə baza dövründən (2000-ci ilin dekabrı) 25,3 yüksək olub. 

Real məzənnənin bahalaşması qeyri neft-qaz sektoru üzrə də müşahidə edilir. Son bir ildə qeyri neft-qaz sektoru üzrə manatın real dəyəri 11,5 faiz, baza dövrünə nisbətən isə 13,1 faiz bahalaşıb. 

Qeyd edək ki, manatın real məzənnəsinin bahalaşması Azərbaycanda inflyasiya səviyyəsinin ticarət tərəfdaşı olan ölkələrdəki inflyasiyadan yüksək olması ilə bağlıdır. Yüksək inflyasiya ilə əlaqədar Azərbaycanda məhsullar daha baha olur ki, bu da yaxşı hal deyil. Belə vəziyyətdə Azərbaycandan ixrac çətinləşir, idxal isə asanlaşır.

Vasif
Sfera.az