Azyaşlı övladının gözü qarşısında atasının başına çəkiclə zərbələr endirib - MƏHKƏMƏ
Şəki Ağır Cinayətlər Məhkəməsində Vüsal Quliyevi öldürməyə cəhd edən 1991-ci il təvəllüdlü Həsrət Əliyevə hökm oxunub.
Sfera.az xəbər verir ki, hadisə bu il aprelin 6-da Ucar rayonunda baş verib.
Belə ki, Həsrət Vüsalın çalışdığı kafedə spirtli içki qəbul etdikdən sonra nalayiq ifadələr işlətməyə başlayıb. Həsrət ondan kafeni tərk etməsini istəyib və onu evinə yola salıb. Evə getdikdən sonra Həsrət kafedən qovulmasına qəzəblənərək ona zəng edib və Vüsalın ünvanına nalayiq ifadələr işlədib. Bununla kifayətlənməyərək Vüsalı öldürmək qərarına gəlib və çəkic götürərək Vüsalın yaşadığı mənzilə yollanıb.
O, həyətdə azyaşlı oğlu ilə gəzən Vüsala hücum edərək çəkiclə başına zərbə endirib. və Vüsal zərbənin təsirindən huşunu itirərək yerə yıxılıb. Vüsal ağır xəsarətlərlə xəstəxanaya çatdırılıb və xoşbəxtlikdən onu xilas etmək mümkün olub.
Məhkəmənin hökmü ilə Həsrət Əliyev 10 il müddətinə azadlıqdan məhrum edilib.
Nəzrin
