Bakı Oksford Məktəbinin qurucusu etiraf etdi: "Məktəbi əlimizdən zorla aldılar"

"Necə də maraqlıdır. Vaxtilə Bakı Oksford Məktəbini bizə bir qəpik də vermədən əlimizdən aldılar. Bu məktəbi qurub-yaratmağa və inkişafına mənim və rəhmətlik həyat yoldaşımın 20 ili getmişdi. İndi isə bumeranq effekti baş verir. Mən ilahi ədalətə inanıram".

Sfera.az xəbər verir ki, bu sözləri Bakı Oksford Məktəbinin əsl qurucusu olan Azərbaycanın görkəmli təhsil xadimi Nailə Rzayeva bildirib.

Qeyd edək ki, Nailə xanım bu biznesi 20 il inkişaf etdirəndən sonra Rasim Məmmədov-Ramiz Mehdiyev tandemi tərəfindən məktəb əllərindən zorla alınıb.

Hazırda isə Rasim Məmmədovun dövlətə vurduğu ziyana görə Bakı Oksford Məktəbi həbs olunan əmlaklar arasındadır.

Orxan