Əl-Qaidədən Dünya Kuboku xəbərdarlığı - Daşqalaq edin
Əl-Qaidə terror təşkilatı Qətərdə keçirilən dünya çempionatını müsəlmanların dəyərlərini məhv etməyə yönəlmiş işğal adlandırıb.
Sfera.az xarici mətbuata istinadən bildirir ki, Əl-Qaidə Dünya Çempionatı üçün Qətərə gedənləri daşqalaq etməyə çağırıb.
Terror təşkilatı dünya çempionatının müsəlmanların dəyərlərini məhv etmək olduğunu iddia edərək, tərəfdarlarını dünya çempionatına qarşı cihada çağırıb.
Qətərdə keçirilən Dünya Kubokunu işğal kimi qələmə verən Əl-Qaidə açıqlamasında: “Ərəbistan yarımadası homoseksuallar, ateistlər və əxlaqsız insanlarla doludur. Kubok üçün gələnlərin davranışı bizim cəmiyyətlərə, müsəlmanlara yaddır. Müsəlmanlar daşqalaq etməklə öz vəzifələrini yerinə yetirə bilərlər” - deyə bildirib.
Qərbin Dünya Kuboku ilə müsəlman dünyasındakı mədəni işğalını davam etdirdiyini iddia edən Əl-Qaidə “Pornoqrafiyanı canlandırmaq və homoseksuallığı adiləşdirmək onların ən böyük hədəfidir" - deyib.
Bundan əlavə, Əl-Qaidə terror təşkilatı buna icazə verən Yaxın Şərq ölkələrinin də məsuliyyət daşıdığını bəyan edib.
Xatırladaq ki, Əl-Qaidə bundan əvvəl də müsəlmanları dünya çempionatını boykot etməyə çağırmışdı. Milyonlarla insanın maraqlandığı, Qətərin ev sahibliyi etdiyi Dünya Kubokunda spirtli içkilərin qadağan edilməsi və LGBT hərəkatına dəstək müzakirələri hələ də davam edir.
Aynil
Sfera.az
