Marsdan gəldiyini iddia edən oğlan anası ilə birlikdə YOXA ÇIXDI
Boris Kipriyanoviç adlı rus oğlan Marsdan gəldiyini bildirib.
Sfera.az Rusiya mətbuatına istinadən bildirir ki, Volqoqrad şəhərində yaşayan Boris Kipriyanoviç vaxtilə Marsda yaşadığını və nüvə fəlakətinin qarşısını almaq üçün Yerə göndərildiyini iddia edib.
Borisin anası oğlunun həmişə belə qəribə olduğunu və qəribə iddialar irəli sürdüyünü qeyd edib.
Ana onun doğum vaxtını belə təsvir edir:
“Hər şey o qədər tez baş verdi ki, ağrı da hiss etmədim. Oğlanı mənə göstərəndə o, mənə böyük gözü ilə baxırdı. Bir həkim kimi bilirdim ki, körpələrin gözləri obyektlərə diqqət yetirə bilmir. Lakin kiçik oğlum iri qəhvəyi gözləri ilə mənə baxırdı”.
O, Borisin hələ bir yaşında olarkən qəzet başlıqlarını oxuya bilməsini və onun ekstrasens gücə malik olduğunu iddia edib.
Borisin əsas həssaslığı astronomiyaya olub. O, bir vaxtlar qalaktikalar arasında səyahət edə bilən marslılarla birlikdə yaşadığını iddia etməyə başlayıb. Bununla da qalmayıb, Boris planetin nüvə müharibəsindən sonra məhv edildiyini və buna görə də, marslıların yerin altında yaşadıqlarını iddia edib.
Boris indiqo uşaq olduğunu iddia edir. O, Yer kürəsini məhv olmaqdan xilas etmək üçün yadplanetlilər tərəfindən göndərilən uşaqlardan biridir. Boris bir kosmos gəmisi hazırladığını və min illər əvvəl Hind okeanının altında mövcud olduğu düşünülən Lemuriya qitəsini ziyarət etdiyini söyləyib.
Borisin hazırda anası ilə birlikdə itkin düşdüyü iddia edilir. Bəzi media mənbələri hesab edir ki, Boris kiçik bir ucqar kənddə dövlət himayəsi altında qorunur.
Aynil
