ABŞ-da laboratoriyalarda süni toyuq əti yaradılacaq - FOTO
ABŞ Qida və Dərman İdarəsi (FDA) süni toyuq ətini təsdiqləyib.
Sfera.az bildirir ki, yaxın vaxtlarda ABŞ bazarına real heyvan hüceyrələrindən istifadə etməklə laboratoriyalarda istehsal edilən süni toyuq ətini təqdim ediləcək. FDA-nın bu qərarının həm qidalanma vərdişləri, həm davamlılıq, həm də ət sənayesi üçün bir mərhələ olduğu bildirilir.
Qeyd edək ki, bir müddətdir ABŞ-da süni ət istehsalı üzrə işlər geniş vüsət alıb. Sahibkarlar milyardlarla dollar vəsait toplayıb, kiçik istehsal müəssisələrində süni ət istehsalı ilə bağlı təcrübələr aparıblar. Süni ət əldə etməyə müvəffəq olunub, lakin məhsulları xalqa sata bilmədilər. Yalnız az sayda insan məhsulların eksperimental olduğunu qəbul edərək onlardan dadmağı qəbul etdi. Süni ətin orqanizmə vura biləcəyi ziyana görə isə məsuliyyəti üzərinə alan olmamışdı.
Çünki istehsal edilən ət qida təhlükəsizliyinə cavabdeh olan FDA tərəfindən təsdiqlənməyib. Süni toyuq ətinin yaradılması ilə “Upside Food” şirkəti məşğul olub. Bazara daxil olmamışdan əvvəl isə istehsal obyektləri üçün razılığın və yoxlama nişanının alınması lazımdır.
Şirkətin baş direktoru Uma Valeti verdiyi açıqlamada: “Biz bu gün üçün təxminən yeddi il çalışdıq" -deyib.
“Upside Foods”un diqqəti yalnız toyuq ətində olsa da, fərqli mal əti, qızılbalıq və ton balığı da daxil olmaqla müxtəlif kateqoriyalar üzərində işləməyə davam edəcək.
Bu qərardan sonra başqa şirkətlərə də bu iş üzərində çalışmağı düşünür. Bununla belə, istehsal hələ çox kiçik miqyasdadır. Sərfəli qiymətlərlə geniş istehsal üçün hələ 10-15 il üçün lazım gələcək.
Aynil
Sfera.az
