Medvedev: “Ukrayna hakimiyyəti buna heyifsilənirdi...”
Rusiya Federasiyası Təhlükəsizlik Şurasının sədr müavini Dmitri Medvedev Rusiyanın xüsusi hərbi əməliyyatlarından danışıb.
Sfera.az-ın məlumatına görə, o, bu barədə “Vkontakte” hesabında fikirlərini bölüşüb.
Belə ki, Medvedev hücumların səbəbi kimi Ukraynanın nüvə proqramını bərpa etmək “təhdidləri”ni göstərib. Onun sözlərinə görə, hazırkı Kiyev hakimiyyəti 1994-cü il Budapeşt Memorandumu çərçivəsində onların ərazisində yerləşən və SSRİ-dən miras qalmış nüvə arsenalının çıxarılması barədə qəbul edilmiş qərara heyifsilənirmiş:
“Ukrayna liderləri nüvə silahından bizə və öz vətəndaşlarına qarşı şeytani zövqlə istifadə edəcəklərini söylədilər”.
Medvedev qeyd edib ki, Leonid Kravçukdan tutmuş Volodimir Zelenskiyə qədər Ukraynanın bütün prezidentləri sonradan ölkələrinin nüvə arsenalından imtina etməsi barədə məcburi addım kimi danışıb:
“Baxmayaraq ki, Kiyevin təsadüfən əllərinə düşmüş nüvə arsenalını saxlamaq üçün imkanları yox idi”.
Rusiya Federasiyası Təhlükəsizlik Şurası sədrinin müavini nüvə arsenalının Ukraynadan çıxarılması qərarının Vaşinqtonun güclü təzyiqi ilə diktə edildiyini də vurğulayıb. Medvedev Ukraynadan fərqli olaraq, nüvə silahı, istehsal potensialı, idarəetmə kompleksi, çatdırılma vasitələrinə malik olan və bütün bunlardan könüllü olaraq imtina etmək üçün mühüm siyasi qərar verən ilk və yeganə ölkə kimi Cənubi Afrikanı misal çəkib.
Qeyd edək ki, Budapeşt Memorandumu Ukrayna, Rusiya, Böyük Britaniya və ABŞ tərəfindən 1994-cü il dekabrın 3-də imzalanıb.
Günay Rəsulqızı,
Sfera.az
