Payızda immunitet sistemini gücləndirmək üçün nə etməliyik?

Orqanizmimizin təbii müdafiə mexanizmi olan immunitet sistemini gücləndirməklə Covid-19 və digər xəstəliklərə qarşı güclü müdafiə yaratmaq mümkündür.

Sfera.az xarici KİV-ə istinadən bildir ki, xəstəliklərlə mübarizə aparmağın ilk yolu immunitet sistemini güclü saxlamaqdır. Bədən üçün təhlükə yaradan hər bir təhlükəyə qarşı özünəməxsus müdafiə strategiyasını hazırlayan bu sistem, bənzətmə ilə bir ordu kimi işləyir. İmmunitet sisteminin inkişafı dünyaya gözlərini açan körpənin xarici dünya ilə ünsiyyəti ilə başlayır. Bu andan etibarən Covid-19 kimi bədənə daxil olan bütün mikroorqanizmləri aşkar edərək onlarla mübarizə aparır, hətta lazım gəldikdə onların orqanizmə daxil olmasına mane olur.

Bəs bu qədər böyük əhəmiyyət kəsb edən immunitetimizi gücləndirmək üçün nə etməliyik? 

- Suyun faydalarını hamımız qismən bilirik. Ən əhəmiyyətli faydası bədəndən tullantıları çıxarmasıdır. Yalnız susadığınız zaman su içməməlisiniz, susuzluq hiss etməsəniz də gündə ən az 8-10 stəkan su içməyə çalışın.

- Mövsümi meyvə və tərəvəzlərdə bol vitaminlər tam bir sağlıq deposudur. Üstəlik, orqanizmin təmizlənməsində rol oynayan antioksidanlar meyvə və tərəvəzlərdə boldur. Buna görə də meyvə və tərəvəzlərin istifadəsi immunitet sistemini əhəmiyyətli dərəcədə gücləndirir. Tərəvəz və meyvələri gündə ən azı 5 dəfə qəbul etmək vacibdir. Yeməklərinizdə alma, nar, portağal və naringilərə yer ayırmağı unutmayın.

- Bədənin güclü antioksidantı olan qlutation qəbulu üçün sarımsaq və soğana mütləq vacibdir. Kifayət qədər qəbul ilə bədən təbii olaraq müqavimət qazanır. Təbiətin ən güclü antibiotiki olaraq qəbul edilən sarımsaq, antimikrobiyal quruluşu sayəsində immunitet sisteminizi gücləndirir.

- Balığın bir çox faydası var. Digər bir faydası isə orqanizmi xəstəliklərə qarşı davamlı etməsidir. Amma balıq qəbul etməzdən əvvəl bişirmə texnikasına fikir vermək lazımdır. Qızartmaq əvəzinə sobada bişirmək daha sağlam seçimdir.

- Bədəni fit saxlamaq üçün xüsusi pəhrizlərdən çəkinin. Bunun əvəzinə müxtəlif yemək növləri ilə yeməklər seçin və sağlam və balanslı bir pəhriz yaradın.

- Soyuq qış günlərinə qədəm qoyacağımız bu günlərdə isti nəsə yeməyə meylimiz artır. Bu nöqtədə fast food yerinə şorba qəbul edə bilərsiniz. Hazırlayacağınız şorbalar sizi isitəcək və immunitet sisteminizi gücləndirəcək.

Gülər