1 fincan qəhvə içəndə bədəndə nələr olur? - FOTOLAR
Səhər içilən qəhvə stress və dərdləri yox edir. Əgər qədərində içilərsə, bu, gerçəkdən möcüzələr yarada bilər. Diqqəti artırar, əhvalı da düzəldər. Qəhvə içdikdən sonra gecə gec saatlara qədər işləyə bilərsiniz. Bu prosesdə sizə kofein yardımçı ola bilər. Çünki qəhvə tərkibində olan kofein sayəsində stimullaşdırıcı təsirə malikdir. Bu səbəbdən də qəhvə tələbələr və işgüzar insanların ən sevimli içkisidir. Bəs 1 fincan qəhvə içəndə bədəninizə nə olduğunu bilirsinizmi?
Sfera.az qəhvənin zamanla orqanizmdə yaratdığı təsirlərini təqdim edir.
İlk 10 dəqiqə
Kofein qan dövrana girir ürək döyüntüləri və qan təzyiqini artmağa başlayır.
20 dəqiqə
Yuxudan ayılırsınız və özünüzü daha gümrah hiss etməyə başlayırsınız. Vacib qərarlar vermək və problemləri həll etmək bizim üçün asanlaşır. Kofein beynimizdəki adenozin hormonlarını xəbərdar edir və nəticədə özümüzü daha az yorğun hiss edirik.
30 dəqiqə
Orqanizminiz daha çox adrenalin ifraz etməyə başlayır. Göz bəbəkləri tam açıldığı üçün daha aydın görməyə başlayırıq.
40 dəqiqə
Serotonin səviyyəsi yüksəlir motoneyronları daha yaxşı işləyir və əzələlərin gücü artır.
4 saat
Qəhvə hüceyrələrin enerji istehsalını artırır. Beləliklə, bədən hərəkət etmədən yağ yandırmağa başlayır. Kofein eyni zamanda mədə turşusunun istehsalını sürətləndirir və artırır.
6 saat
Qəhvədəki kofein sidikqovucu təsir yaradır. Orqanizminizdə su ilə yanaşı lazımlı vitamin və mineralları bədəndən xaric edir. Bu da kalsium çatışmazlığı kimi problemlərə səbəb ola bilər.
