Beynəlxalq Cüdo Federasiyası rusiyalı idmançıları 2023-cü ilin yanvarına qədər beynəlxalq yarışlardan kənarlaşdırmaq haqqında qərar verib.

Sfera.az Rusiya mətbuatına istinadən xəbər verir ki, Beynəlxalq Cüdo Federasiyasının İcraiyyə Komitəsi mövcud beynəlxalq şəraiti nəzərə alaraq və idmançıların müdafiəsini təmin etmək məqsədilə 2023-cü ilin yanvar ayına qədər Rusiya və Belarus idmançılarının beynəlxalq yarışlara buraxılmaması barədə qərar qəbul edib.

Mart ayında IJF və Avropa Cüdo İttifaqının (EJU) təşkilatçılığı ilə keçirilən turnirlərdə Rusiya cüdo komandasının iştirakını dayandırdığı barədə məlumat yayılmışdı.

Qeyd olunub ki, hazırkı şəraitdə milli komandanın beynəlxalq yarışların keçirildiyi əksər ölkələrdə iştirakı, viza məsələləri də xeyli çətinləşir. Üstəlik, Rusiya Cüdo Federasiyasının idmançıların təhlükəsizliyinə təminatın olmaması barədə narahtlıqlarına əsaslar var.

Xatırladaq ki, Rusiya Donbassda əməliyyatlara başladıqdan sonra BOK beynəlxalq idman federasiyalarına Rusiya və Belarus idmançılarının beynəlxalq yarışlarda iştirakını qadağan etməyə çağırıb.


Aynil