Azyaşlılara təcavüz edən məşhur müğənni məhkəmə qarşısında – 30 il həbs... + FOTO

ABŞ müğənnisi R.Kelli uşaqlara qarşı cinsi istismarda günahlandırılıb.

Sfera.az bildirir ki, o, mühakimə olunduğu federal məhkəmədə təqsirli bilinib.

55 yaşlı müğənni 13 ittihamdan 6-sı üzrə mühakimə olunub. Kelli 2008-ci ildə analoji ittihamlarla açılan işdə rüşvət və şahidləri hədələmək ittihamlarından bəraət alıb. Əsl adı Robert Sylvester Kelly olan müğənni həmçinin uşaq pornoqrafiyası hazırlamaqda və almaqda, 18 yaşından kiçik uşaqları cinsi fəaliyyətə təhrik etməkdə təqsirli bilinib.

Qeyd olunub ki, 2008-ci ildə müğənniyə qarşı açılan işin mərkəzində Kellinin 14 yaşlı qıza təcavüz etməsinin 30 dəqiqəlik videosu dayanıb. Lakin Ceyn adlı qadın 14 il əvvəl ifadə verməkdən imtina etdiyi üçün ittihamlar götürülüb. 37 yaşlı Ceyn bu gün Çikaqoda keçirilən məhkəmə prosesində ifadə verib və videoda onun özünün olduğunu deyib. İddia ərizəsində daha dörd qadın gənc yaşlarında Kelli tərəfindən zorakılığa məruz qaldıqlarını bildiriblər. Məhkəmədə ümumilikdə 30 şahid ifadə verib. Qremmi mükafatlı ifaçının doğulduğu Çikaqoda məhkəmə 4 həftə davam edib.

Qeyd edək ki, Kelli keçən il Nyu Yorkda keçirilən başqa bir məhkəmə prosesində seks alveri və reketlik ittihamı ilə 30 il həbs cəzasına məhkum edilmişdi. Çikaqo məhkəməsinin nəticəsinin Kellinin mövcud həbs cəzasını artıracağı gözlənilir. 

Türkan,

Sfera.az