Qərb bu ölkəyə görə Türkiyəyə təzyiqi ARTIRACAQ - Avropa Birliyi niyə narahatdır?
Avropa Birliyi və ABŞ Rusiyanın sanksiyalardan yayınmaması üçün Türkiyəyə təzyiqləri artırmağı düşünür.
Sfera.az “Bloomberg”ə istinadən xəbər verir ki, bu haqda Britaniyanın “Financial Times” qəzeti yazıb.
Qəzetin xəbərinə görə, ABŞ və Avropa Birliyi Rusiyanın sanksiyaları pozmaq üçün Türkiyədən istifadə edəcəyindən narahat olduqlarından bu addımı atmaq istəyir.
“Financial Times” qəzetində dərc olunan və Qərb ölkələrindən iki rəsmiyə əsaslanan xəbərə görə, ABŞ və Avropa Birliyi Türkiyədə bank sektorunun qeyri-qanuni maliyyə əməliyyatları aparacağından, Rusiya üçün bir kanal açılacağından narahatdır.
Xəbərə əsasən, Qərb rəsmiləri ABŞ-ın Rusiyanın “Mir” adlı yerli ödəmə sisteminə daxil olan türk banklarına diqqət yetirir, rəsmi Brüsselin isə narahatlıqlarını birbaşa Türkiyə rəsmilərinə çatdırmaq üçün bir heyət formalaşdırdığını bildirib.
Türkiyənin ən böyük banklarından olan “Vakıfbank”, “Ziraat Bank”, “İş Bankı”, “Denizbank” və “Halkbank” “Mir” sisteminə daxil olan banklar sırasındadır.
“Mir” Rusiya Mərkəzi Bankı tərəfindən “Visa” və “Mastercard”a alternativ olaraq hazırlanıb.
Vasif,
Sfera.az
