Zelenskidən Putinin "aldadıldıq" açıqlamasına REAKSİYA

"Sentyabrın 1-dən bəri min kvadrat kilometrdən çox Ukrayna ərazisi işğaldan azad edilib".

Sfera.az bildirir ki, bu barədə Ukrayna Prezidenti Volodimir Zelenksi xalqa müraciəti zamanı deyib.

“Davam edən müdafiə əməliyyatları çərçivəsində qəhrəmanlarımız artıq onlarla yaşayış məntəqəsini azad edib. Bu gün də bu hərəkat davam edib, yeni nəticələr var. Ümumilikdə, sentyabrın 1-dən indiyədək min kvadrat kilometrdən çox ərazimiz azad edilib”, deyə o qeyd edib.

Rusiya Prezidenti Vladimir Putinin Ukrayna taxılı ilə bağlı açıqlamasına cavab verən Zelenski məhsulun hansı ölkələrə getdiyi barədə məlumat verib.

Ukrayna taxılını daşıyan 4 gəminin Asiya ölkələrinə yola düşdüyünü bildirən Zelenski indiyədək 65 min ton taxılın Sudana çatdığını əlavə edib:

 “7 sentyabrda Keniyaya 50 min tondan çox buğda getdi. Hazırda Odessadakı Pivdennıy limanında Livan və Liviya üçün gəmilər yüklənir”.

Türkan,

Sfera.az