Rusiyanın ən böyük özəl neft şirkəti olan “Lukoyl”un vitse-prezidenti Ravil Maqanov vəfat edib.

Sfera.az bildirir ki, o, qaldığı xəstəxananın pəncərəsindən yıxılaraq dünyasını dəyişib. Cəsədi tibb personalı tərəfindən xəstəxananın bağçasında aşkarlanan Maqanovun ölümü kifayət qədər şübhəli görünür.

Rusiya mətbuatının məlumatına görə, 67 yaşlı Maqanov Moskvanın Mərkəzi Klinik Xəstəxanasında müalicə olunurdu və aldığı xəsarətlərdən dünyasını dəyişib. O, müəmmalı şəraitdə ölən bir sıra yüksək profilli biznes rəhbərlərindən sonuncusudur. May ayında “Lukoyl”un keçmiş baş meneceri Aleksandr Subbotinin də qeyri-adi şəraitdə vəfat etdiyi vurğulanıb.

Qeyd edək ki,  Ravil Maqanov 1993-cü ildə özəl neft şirkətində işləməyə başlayıb. Rusiya prezidenti Vladimir Putin 21 noyabr 2019-cu ildə Maqanova Aleksandr Nevski dövlət ordenini təqdim edib.

Günay Rəsulqızı