“Viktoriya” gözlənildiyi kimi, qapalı və müdafiə futbolu oynadı, “Qarabağ”a ənənəvi yaradıcı oyunu sərgiləməyə imkan vermədi. Fikir verdinizsə, ikinci hissədə “Qarabağ” bu mövsümdə ilk dəfə rəqib qapısına cərimə meydançasından kənardan bir neçə zərbə endirdi. Yəni “Viktoriya”nın etibarlı “müdafiə betonu”nu yarmağın ağır olduğunu məşqçilər bilirdi”.

Sfera.az xəbər verir ki, bu sözləri idman jurnalisti Aydın Bağırov UEFA Çempionlar Liqasının pley-off mərhələsinin ilk oyununda üz-üzə gələn "Qarabağ" və Çexiyanın "Viktoriya" (Plzen) komandasının oyunu haqda danışarkən deyib.

Onun sözlərinə görə, “Viktoriya” Ağdam komandasının əsas silahları Kadi ilə Zubirə faktiki olaraq göz açmağa imkan vermədi:

“Belə ağır komandalara qarşı görüşlərdə qol imkanlarından istifadə edilməlidir. Vadji bu dəfə bacarmadı. Rəqib qapıçıya gözəl, müdafiəçilərinə etibarlı oyuna görə alqış düşür.

Amma nəticənin 0:0 olması qətiyyən məyusluq doğurmamalıdır. Cavab görüşü final matçı kimi olacaq, rəqib öz meydanında artıq açıq oyun nümayiş etdirəcək ki, (“Ferentsvaroş” kimi), bu da “Qarabağ”ın xeyrinə işləyəcək.

Ümumi götürəndə cütün taleyi ilə bağlı bir qədər rahatam. “Viktoriya” layiqli, səviyyəli komanda olsa da, “Qarabağ” ondan daha güclüdür və səfər matçında uğur qazanmağa qadirdir”.

Turan Rzayev