Mövsümün ən yeməli meyvələrindən biri olan şaftalı, allergiyası olan insanlar üçün düşünüldüyü qədər şirin olmaya bilər. Şaftalının qabığı və tərkibindəki Pru P3 adlı zülalı bəzi insanlarda allergik problemlər yarada bilir.

Sfera.az xəbər verir ki, Türkiyə Milli Allergiya və Kliniki İmmunologiya Dərnəyinin (AID) üzvü Dr. Handan Duman Şenol şaftalı allergiyası haqqında bəzi məlumatlar verib və diqqət edilməli məqamları sadalayıb:

"Meyvə allergiyası nadir olsa da, onların arasında ən çox rast gəlinən şaftalının allergiyasıdır. Adətən, reaksiya meyvəni yedikdən 2 saat sonra baş verir. Nadir hallarda şaftalı qoxusu ilə və ya dəri ilə təmasdan sonra reaksiya görülə bilər. Ən çox edilən şikayətlər ağızda qaşınma, dəridə səpgi və qaşınma, üzün şişməsi, qusma, ishal, burun axması, asqırma, burun tıkanıklığı, öskürək, nəfəs darlığıdır. Bununla belə, o, həm də allergik şoka səbəb ola bilər və həyat üçün təhlükə yarada bilər.

Şaftalı allergiyası polen allergiyası ilə çarpaz reaksiya verə bilər

Bəzən polen-qida allergiyası sindromu səbəbiylə görülə bilər. Polen-qida allergiyası sindromunda, insanın əslində polen allergiyası var. Şikayətlər polen allergenləri ilə çarpaz reaksiya verən şaftalı kimi qidaların qəbulundan sonra baş verir. Şaftalı ağacı polenləri ilə çarpaz reaksiya verir. Şaftalı qəbulundan sonra ilk 10-15 dəqiqə ərzində dildə, dodaqlarda, damaqda və boğazda qaşınma və bəzən şişkinlik əmələ gələ bilər və bu vəziyyət ağızdan allergiya sindromu adlanır.

Lazımi testlər edildikdən sonra şaftalı pəhrizdən çıxarılmalıdır.

Hazırlanmış qidaların və kosmetikanın tərkib hissələrini oxuyun

Qablaşdırılmış qidaların (məsələn, meyvə şirələri) etiketlərini oxumaq xüsusilə vacibdir. Restoranlarda yeyiləcək yeməklərin/şirniyyatların tərkibində şaftalı olub olmadığı sual altına alınmalıdır. Şaftalı krem, ətir kimi bəzi kosmetik məhsullarda istifadə edildiyi üçün bu cür məhsulların etiketlərini oxuyub istifadə etmək məqsədə uyğundur. Uşaqlarda şaftalı allergiyası olduqda, uşağa cavabdeh olan şəxslərə (qohumlar, baxıcılar, müəllimlər) məlumat vermək vacibdir.

Sfera.az

Gülər