İnternet tarixində bir dövr qapanır - Artıq işləməyəcək...
Microsoft 27 illik hekayəyə son qoyur.
Sfera.az xəbər verir ki, sözügedən şirkət bu gündən etibarən "Internet Explorer" üçün dəstəyi dayandırır. Beləliklə brauzerin ən son versiyası olan "Internet Explorer 11" "Windows"un müəyyən versiyalarında dəstəklənməyəcək.
Qeyd edəki ki, "Microsoft" tərəfindən hazırlanmış "Microsoft Edge" brauzeri 2029-cu ilə qədər "Internet Explorer" rejimini dəstəkləyəcək.
"Internet Explorer" ilk dəfə 1995-ci ildə istifadəçilərə təqdim edilib. Explorer sayəsində bir çox insan internetlə tanış olub. O, uzun illər ərzində ən çox istifadə edilən brauzer olub.
Bu brauzer 2003-cü ildə dünya üzrə təxminən 95 faiz istifadə payı ilə zirvəyə çatıb. "Windows" əməliyyat sistemində qurulan brauzer bazarın böyük bir hissəsini tuturdu. Lakin zaman keçdikcə digər brauzerlər daha populyarlaşdıqca o, rəqabətdən geri qaldı.
Əzizə Zeynal
Sfera.az
