Aparıcı Afaq Gəncəli düşünür ki, qadının gücü həyatındakı kişidən aslı olmamalıdır. BiG.AZ-a danışan aparıcı xanım səmimi hisslərini oxucularımızla bölüşüb:

"Hərdən deyirəm ki, bu gün bəlkə az makiyaj edim, çox yorulmuşam. Amma gözəl görünmək istəyi qadının canında olmalıdır. Mənim ruhuma işləyib. Hərdən evdən mağazaya su almağa gedəndə belə , özümə baxıb, bəzənib gedirəm. Necə gəldi evdən çölə çıxa bilmərəm. Bu qadının içindən gəlməlidir. Qadınlıq daxildən gələn bir hissdir. Qadın həmişə baxımlı olmalıdır. Nəfəsindən duyulmalıdır ki, bu qadındır. Qadından qadın ətri gəlməlidir. Bu qadının özündən də asılıdır, gücündən də... Qadının gücü həyatında kişinin olub-olmamasından asılı deyil. Mənim arxamda kişi-mişi yoxdur, heç bir kişi arxamda dayanmır. Mən özüm həm kişiyəm, həm qadınam. Ailə həyatı qurmağı isə planlaşdırmıram". 

Mirvari Nəcəf
Elçin Əkbərov