Sfera.az bildirir ki, bu iddia ilə Rusiyanın İstanbuldakı baş konsulu Andrey Buravov çıxış edib. 

O, Rusiyanın Ukraynaya hücum əməliyyatının ilk mərhələsində bir sıra bilgilərin ortaya çıxdığını vurğulayıb: "Həmin tapıntılar göstərir ki, Donbasa böyük hücum Ukrayna və onu dəstəkləyən Qərb tərəfindən planlaşdırılıb. Əldə edilmiş bəzi sənədlər bu hücumun martın 8-i üçün planlaşdırıldığını göstərir. Bununla bağlı Ukraynaya əvvəllər də silah-sursat göndərilirdi. Bütün hazırlıqlar buna uyğun aparılıb”.

İsveç və Finlandiyanın NATO üzvlüyü ilə bağlı açıqlama verən Buravov, "İki ölkə ilə heç bir problemimiz yoxdur. Biz açıq şəkildə dedik ki, onların neytrallıq siyasəti həm özlərinə, həm də Rusiyaya sərfəli olub və olacaq. Rusiya bu ölkələr üçün təhlükə yaratmadı. Siz artıq bilirsiniz ki, Putinlə Finlandiya prezidenti arasında telefon danışığı olub. Görüşdə bu məsələlər aydın şəkildə izah edilib və Finlandiyanın bu qərarının çox yanlış olacağı bildirilib”.