Sfera.az bildirir ki, bunu tanınmış radioloq həkim Aydın Əliyev deyib. O qeyd edib ki, dərslik çatışmazlığı tələbələrin gələcəkdə yaxşı həkim kimi yetişməsinə çox ciddi əngəl törədir:

"Bu gün gənclərin daha çox oxuyan dövrüdür, indi onların beyni tapa bildikləri dərsliklərdəki materialları maqnit kimi özünə çəkir. Dövlət oxumaq istəyən insanları lazımi dərslik və ədəbiyyatla təmin etməsə, bu hal onu məhvə aparar. Dünyanın tibb üzrə ən inkişaf etmiş ölkələrində istifadə edilən dərsliklərin həm orijinal versiyaları, həm də tərcümələrinin ənənəvi, elektron formatda tibb tələbələrinə əlçatanlığı mütləq təmin edilməlidir! Hansı əsrdə yaşayırıq? İndiki dövrdə dərslik çatışmazlığının olması nə qədər gülünc və absurddur!”.